70 ёшли беморнинг талоғи ўрнига жигарини олиб ташлаган жарроҳ қотилликка тенглаштирилган сабаб билан судланмоқда.Бу ҳақда NBC News хабар берди.
Қайд этилишича, АҚШнинг Флорида штатида фаолият юритган 44 ёшли жарроҳ Томас Шакновский 2024 йил август ойида 70 ёшли Уильям Брайан операцияси вақтида талоқни олиб ташлаш ўрнига беморнинг жигарини кесиб олгани оқибатида катта қон йўқотиш юз бериб, бемор операция столида вафот этган.
Билдирилишича, жарроҳ кейинчалик берган кўрсатмасида операция вақтида юзага келган оғир вазият, кучли қон кетиши ва руҳий босим сабабли органларни ажрата олмаганини айтган. У ҳатто олиб ташланган жигарни ҳужжатларда “талоқ” сифатида қайд этганини ҳам тан олган.
Тергов натижаларига кўра, Алабама штатидан Флоридага келган нафақадаги ҳарбий Уильям Брайан талоқдаги муаммо сабаб операция қилинган. Бироқ операциядан сўнг ўтказилган экспертиза унинг талоғи жойида қолганини, жигари эса олиб ташланганини кўрсатган.
2026 йил апрель ойида Томас Шакновскийга нисбатан суд иши очилган ва иккинчи даражали “эҳтиётсизлик оқибатидаги одам ўлдириш” моддаси бўйича айблов эълон қилинган. Айни вақтда жарроҳга нисбатан суд жараёнлари давом этмоқда.
Унинг Флорида, Алабама ва Нью-Йорк штатларидаги тиббий фаолият лицензиялари ҳам бекор қилинган. Шунингдек, агар у айбдор деб топилса, 15 йилгача озодликдан маҳрум этилиши мумкин.
