АсосийJamiyat
3407

ФВВ “Қамчиқ” довони орқали ҳаракатланганда ҳушёрликни оширишни сўради

'ФВВ “Қамчиқ” довони орқали ҳаракатланганда ҳушёрликни оширишни сўради'ning rasmi

Фавқулодда вазиятлар вазирлиги “Қамчиқ” довони орқали ҳаракатланганда ҳушёрликни оширишни сўради.

Ўзбекистон Республикаси Гидрометеорология хизмати томонидан берган маълумотларига кўра, 2019 йил 21-25 ноябрь кунлари А-373 «Тошкент-Ўш» автомобиль йўлининг «Қамчиқ» довони қисмида вақти-вақти билан қор ёғиши, туман тушиб, кўринувчанлик 50 м. гача пасаяши, шамол тезлиги секундига 17-22 м. гача кучайиши, йўлда қор уюмлари, яхмалак ҳосил бўлиши кутилмоқда.

Шу муносабат билан, йўл транспорт ҳодисалари билан боғлиқ фавқулодда вазиятларнинг олдини олиш мақсадида, довон ҳудудида ҳаракатланишдан олдин қуйидаги мутахассис тавсияларига эътибор қаратишингизни сўраймиз:

автомобилларнинг техник ҳолатини тўлиқ кўздан кечириш;

довон орқали етарли даражада ёқилғи-мойлаш маҳсулотлари билан ҳаракатланиш;

автотехникаларнинг қиш мавсумида ҳаракатланиш учун махсус шиналар билан алмаштириш;

ҳайдовчиларимизнинг «Қамчиқ» довони орқали ҳаракатланганда ҳушёрликни янада оширишлари ва йўлларда тўхтаб дам олишлари;

вилоятлараро юк ташиш билан шуғулланувчи ташкилотлар, фирмалар, хусусий тадбиркорлар томонидан ҳайдовчилар билан профилактик тадбирлар ўтказилиши.

«Қамчиқ» довони бўйича қўшимча маълумотларни қуйидаги телефон рақамлари орқали олишингиз мумкин:«Қамчиқ» Махсус қидирув-қутқарув бошқармаси навбатчилик қисми: (95) 146-87-08, (70) 662-72-49, (71) 212-70-07, (99) 837-29-38, 10-50.

Фавқулодда вазиятлар вазирлиги ҳайдовчилардан ўзлари ҳамда йўловчилар ҳаётини хавф остига қўймасликни сўраган.

 

Бизни ижтимоий тармоқларда кузатиб боринг

Бошқа янгиликлар