Сергели туманидаги ер усти метроси сентябрь ойида фойдаланишга топширилади
Ушбу масала юзасидан мутасаддилар олдига аниқ вазифа қўйилган. Бу ҳақда Шавкат Мирзиёевнинг Сергели тумани аҳоли вакиллари билан учрашуви чоғида маълум қилинди.
Ҳудудда транспорт ва коммунал хўжалик инфратузилмасини ривожлантириш бўйича қатор лойиҳалар амалга оширилаётгани қайд этилди. Жумладан, "Ўзбекистон темир йўллари" АЖ томонидан қиймати 83 миллион доллар бўлган, 7 километр узунликдаги Сергели ер усти метроси қурилмоқда. Уни жорий йил сентябрь ойида фойдаланишга топшириш вазифаси қўйилган.
