7 январь куни Испания Суперкубоги ярим финалининг дастлабки учрашуви бўлиб ўтди. Унда “Барселона” жамоаси “Атлетик Билбао” устидан 5:0 ҳисобида ишончли ғалабага эришиб, мусобақа финалига чиқди.
Cаудия Арабистонидаги “Ал-Минā” стадионида бўлиб ўтган баҳсда каталонияликлар дастлабки бўлимдаёқ рақиб дарвозасига тўртта гол киритди. Ферран Торрес, Фермин Лопес, Руни Бардажи ва Рафиня гол муаллифларига айланди. Иккинчи бўлимда эса Рафиня дубль қайд этиб, учрашувдаги сўнгги голни урди.
Шу тариқа, “Барселона” Испания Суперкубоги финалида иштирок этади. Ҳал қилувчи баҳсда жамоа “Реал Мадрид” ва “Атлетико Мадрид” ўртасидаги ярим финал ғолибига қарши майдонга тушади. Мазкур учрашув 8 январь куни бўлиб ўтади.
