Sergeli tumanidagi er usti metrosi sentyabr oyida foydalanishga topshiriladi
Ushbu masala yuzasidan mutasaddilar oldiga aniq vazifa qo`yilgan. Bu haqda Shavkat Mirziyoevning Sergeli tumani aholi vakillari bilan uchrashuvi chog`ida ma`lum qilindi.
Hududda transport va kommunal xo`jalik infratuzilmasini rivojlantirish bo`yicha qator loyihalar amalga oshirilayotgani qayd etildi. Jumladan, "O`zbekiston temir yo`llari" AJ tomonidan qiymati 83 million dollar bo`lgan, 7 kilometr uzunlikdagi Sergeli er usti metrosi qurilmoqda. Uni joriy yil sentyabr oyida foydalanishga topshirish vazifasi qo`yilgan.