Yangi pasport uchun ariza berilgan, to`lovlar to`langan-u, ammo suratga tushilmagan. Bunday vaziyatda ham amaldagi pasport muddati tugagunga qadar suratga tushilmasa, jarima talab qilinadimi?
A.Yo`ldoshev, Namangan viloyati
Sanjar QOSIMOV, Toshkent shahar Ichki ishlar Bosh boshqarmasi Xorijga chiqish, kelish va fuqarolikni rasmiylashtirish boshqarmasi markaz boshlig`i, mayor:
Jarima talab qilinmaydi. Ammo agar yurtimizda eng kam ish haqining belgilangan miqdori o`zgarsagina, qo`shimcha to`lov amalga oshirilishi mumkin.
ESLATIB O`TAMIZ: 2015 yilning 1 sentyabridan boshlab O`zbekiston Respublikasi hududida eng kam ish haqi — oyiga 130 240 so`m qilib belgilangan.