“O`zbekneftgaz”: Rossiya davlat taraqqiyot korporasiyasi boshchiligidagi moliyaviy institutlar O`zbekistonga tashrif buyurdi

Iqtisodiyot 20.09.2020, 08:58
“O`zbekneftgaz”: Rossiya davlat taraqqiyot korporasiyasi boshchiligidagi moliyaviy institutlar O`zbekistonga tashrif buyurdi

2020 yil 17 sentyabr kuni Rossiya davlat taraqqiyot korporasiyasi (Vneshekonombank) raisi Igor Shuvalov boshchiligida bir guruh Rossiya moliyaviy institutlari vakillari Toshkentga tashrif buyurdi. Bu haqda "O`zbekneftgaz"AJ Matbuot xizmati xabar berdi.

Tashrif davomida Energetika vaziri Alisher Sultanov boshchiligidagi o`zbek delegasiyasi “Vneshekonombank”, “Gazprombank” hamda “EKSAR” sug`urta agentligi rahbarlari bilan muzokalar o`tkazdi. Uchrashuv davomida energetika va neftgaz tarmoqlarida amalga oshirilayotgan islohotlar, yirik stratetik loyihalar hamda istibolli investisiya loyihalari bo`yicha taqdimot tashkil etildi.

Rossiya moliyaviy institutlari taqdim etilgan loyihalarga katta qiziqish bildirib, ularni batafsil o`rganib chiqishga tayyorligini ma`lum qildi.

Taqdimotdan so`ng, “O`zbekneftgaz” AJ Boshqaruv raisi Mehriddin Abdullaevning “Vneshekonombank”, “Gazprombank” hamda “EKSAR” sug`urta agentligi rahbarlari bilan alohida uchrashuvi bo`lib o`tdi.

Muzokaralar chog`ida “2017-2021 yillarda uglevodorod qazib chiqarishni oshirish Dasturi” doirasida 650 mln. dollar jalb qilish shartlari muxokama qilindi.

Aytib o`tish joizki, O`zbekiston Respublikasi Prezidentining 2020 yil 4 apreldagi “Neft-gaz tarmog`ining moliyaviy barqarorligini oshirish bo`yicha birinchi navbatdagi chora-tadbirlar to`g`risida”gi qaroriga asosan “2017-2021 yillarda uglevodorod qazib chiqarishni oshirish Dasturi”ni amalga oshirish uchun 250 mln. dollar xorijiy kreditlarni davlat kafolati ostida jalb qilinishi ko`zda tutilgan.

Rossiya moliya institutlarining kreditlari 10 yil muddatga berilmoqda, ular ikki yil davomida 4 ta transh bilan ajratiladi. Shu o`rinda, Rossiya ishlab chiqaruvchilaridan uskuna va moddiy texnik resurslarning xarid qilinishi kreditning yanada imtiyozli shartlarda berilishini ta`minlaydi.


 

Shu bilan birga, “Gazprombank” AJ Boshqaruv raisining o`rinbosari A.Belous hamda EKSAR sug`urta agentligi rahbari N.Gusakov bilan 2021 yilda “O`zbekneftegaz” jamiyati tomonidan amalga oshiriladigan geologiya qidiruv ishlari hamda quduqlarni burg`ulash uchun 100 mln dollar uzoq muddatli kredit ajratish masalasi ham muxokama qildi.

Yuqoridagi yo`nalishlar bo`yicha kreditlarni jalb qilish maqsadida Ishchi guruh tashkil etilib, unga jamiyat boshqaruvi raisining o`rinbosari U.Ashurov mas`ul etib belgilandi.

Muzokaralar do`stona, samimiy va o`zaro ishonch ruhida bo`lib o`tdi. Rossiya tomoni shu yildan boshlab “O`zbekneftgaz” kompaniyasining moliyaviy holati yaxshilanib borayotganligi, tarmoqning bozor tamoyillari asosida ishlashga o`tishi, xalqaro standarlar bo`yicha audit tizimi joriy qilinayotganligidan mamnuniyat bildirib, moliyaviy hamkorlikni yanada kengaytirishdan manfaatdorligini bildirdi.

Eslatib o`tamiz, “Gazprombank” AJ “O`zbekneftgaz" AJning ishonchli hamkorlaridan biri bo`lib, neftgaz sohasida loyihalarni moliyalashtirish uchun 1 mlrd. dollarga yaqin kredit ajratgan. Jumladan 2017-2021 yillarda uglevodorodlar ishlab chiqarishni oshiri dasturining birinchi bosqichi, GTL zavodining qurilishi shular qatoridan.


 


 

Sharhlar

Ob-havo: Toshkent
Valyuta kursi
1