“Davlat ishtirokidagi korxonalarni isloh qilishni jadallashtirish hamda davlat aktivlarini xususiylashtirishga oid chora-tadbirlar to`g`risida” Prezident Farmoni qabul qilindi. Bu haqda "Huquqiy axborot" kanalida ma`lum qilindi.
Farmon bilan:
- Transformasiya qilinadigan yirik davlat korxonalari va xo`jalik birlashmalari ro`yxati;
- Korporativ boshqaruv va moliyaviy audit joriy etiladigan, operasion samaradorligi oshiriladigan davlat ishtirokidagi korxonalar ro`yxati;
- Xususiylashtirishdan oldin tayyorlash va investisiyaviy jozibadorligini oshirishning manzilli dasturlari orqali ommaviy savdolarga chiqariladigan davlat aktivlari ro`yxati;
- Davlat aksiya paketlari (ulushlari) to`lig`icha ommaviy savdolar orqali xususiy sektorga sotiladigan korxonalar ro`yxati;
- Xususiy sektorga sotiladigan davlat ko`chmas mulki ob`ektlari ro`yxati tasdiqlandi.
Farmonga ko`ra, 32 ta yirik davlat korxonalari va xo`jalik birlashmalari transformasiya qilinadi. 15 ta davlat ko`chmas mulk ob`ektlari xususiy sektorga sotiladi.
Shuningdek, Farmon bilan:
- 274 ta davlat ulushlari bor korxona;
-109 ta gazeta, nashriyot va jurnallar;
- 26 ta axborot texnologiyalari korxonalari va kompyuter xizmatlari ko`rsatish markazlari;
- 27 ta xususiy sektor rivojlangan sohadagi tibbiyot muassasalari;
-12 ta yog`-moy sanoati korxonalari;
- 31 ta vinochilik tarmog`i va sharob savdo korxonalari to`liqligicha ommaviy savdolar orqali xususiy sektorga sotilishi belgilandi.
Davlat aktivlarini sotib oluvchilar to`lovlarni qonunchilikda belgilangan tartibda bo`lib-bo`lib to`lash sharti asosida amalga
oshirishi mumkin.
