2020 yilning 19 noyabr kuni Vashington shahrida O`zbekiston Tashqi ishlar vaziri Abdulaziz Kamilov boshchiligidagi delegasiya AQSh Mudofaa vaziri vazifasini bajaruvchi Kristofer Miller bilan uchrashdi. Uchrashuvda ikki mamlakat o`rtasida mudofaa sohasidagi hamkorlikning istiqbolli yo`nalishlari muhokama qilindi. Kristofer Miller O`zbekistonga Markaziy Osiyoda barqarorlik va xavfsizlikni ta`minlashda etakchi rol o`ynayotgani uchun minnatdorlik bildirdi va Amerika Qo`shma Shtatlari xavfsizlik bilan bog`liq umumiy muammolarni hal qilishda O`zbekiston bilan aloqalarni davom ettirishini tasdiqladi. Pentagon rahbari, shuningdek, mamlakatimizning afg`onlararo tinchlik muzokaralarini olib borish, Afg`onistonni iqtisodiy tiklash va uning Markaziy Osiyo mintaqasiga integrasiyasini qo`llab-quvvatlash borasidagi sa`y-harakatlarini mamnuniyat bilan qayd etdi. Tomonlar Afg`onistondagi tinchlik jarayonini bundan keyin ham ilgari surish va barqaror siyosiy kelishuv maqsadini qo`llab-quvvatlashda qat`iy ekanliklarini tasdiqladilar. Ikki tomon ham harbiy hamkorlikni yanada kengaytirish muhimligini tasdiqladilar va terrorizmga qarshi kurash, chegara xavfsizligi va mudofaa muassasalari salohiyatini oshirish kabi masalalarda yaqin hamkorlikni davom ettirishlarini ta`kidladilar. |
31.01.2022, 22:41
2022-yilning 31-yanvar kuni O`zbekiston Respublikasi Tashqi ishlar vaziri Abdulaziz Kamilov Pokiston Islom Respublikasi Tashqi ishlar vaziri Shoh Mahmud Qurayshiy bilan telefon orqali muloqot qildi. Bu...28.12.2021, 20:00
O`zbekiston Respublikasining Olmaota shahridagi Bosh konsulxonasi 2021-yil 27-dekabr kuni Olmaota-Bishkek (Olmaota viloyati, Qozog`iston Respublikasi) avtoyo`lida 33 kishi, shu jumladan, mamlakatimiz fuqarolarini olib ketayotgan avtobus ishtirokidagi...11.11.2021, 08:57
Germaniyada dual tizimda (Ausbildung) qariyalarni parvarish qilish sohasiga O`zbekiston Respublikasi fuqarolari taklif etiladi.Nomzodlarga qo`yiladigan talablar:18-27 yoshgacha bo`lishi;maktab, lisey yoki kasb-hunar kollejini tamomlagan bo`lishi;nemis tilini kamida...11.10.2021, 19:30
2021 yil 11 oktyabr kuni O`zbekiston Respublikasi Prezidentining Afg`oniston bo`yicha Maxsus vakili Ismatilla Irgashev Pokiston Islom Respublikasining Favqulodda va Muxtor Elchisi Sayid Ali Asad G`iloniy...