«Sakkiz yoshli o`g`lim televizorda alpinistlar haqidagi ko`rsatuvni ko`rib, bu sohaga qiziqib qold. Ayting-chi, sportning bu turi bilan necha yoshdan boshlab shug`ullanish mumkin?»
N. Ochilova, Toshkent sh
O`zbekiston alpinizm va qoyaga chiqish federasiyasi raisi A. XURSANDOV javob beradi:
— Har bir sport turi o`sib kelayotgan yosh avlodning jismoniy chiniqishad katta o`rin tutadi. Agar malakali va tajribali murabbiy bo`lsa, xavotirga o`rin qolmaydi, faqat boshlang`ich tayyorgarlik va ko`nikma bo`lishi kerak. Biz avval bolalarning qo`l va oyoq muskullarini mustahkamlovchi mashg`ulotlar o`tkazamiz. Turli vaziyatlarda o`zini qanday tutish kerakligini o`rgatamiz. Keyin esa, alpinizm mashg`ulotlariga o`tamiz. Mashg`ulotlar hamisha ishonchli murabbiylar hamrohligida o`tadi. Shuningdek, alpinizm va cho`qqiga chiqish sportini farqlash kerak. Cho`qqiga chiqish bilan 3-5 yoshdan boshlab malakali murabbiylar yordamida bolani shug`ullantirish mumkin. Alpinizm uchun tavsiya etilgan yosh – 16 yosh. Ota-onanig yozma roziligi va shifokor tavsiyasmi bilan bu muddatni 14 yoshgacha tushirish mumkin. Biroqv, bunday holatda jismoniy zo`riqishlar va mavjud xavf-xatarni hisobga olish kerak.
