Namanganda fuqaro shifokorni do`pposladi (video)

Ijtimoiy tarmoqlarda Namangan shahridagi 10-sonli oilaviy poliklinikada fuqaro shifokorni ayamasdan tagiga bosib olib do`pposlayotganligi aks etgan video tarqaldi. Bu haqda Ichki ishlar vazirligi xabar bermoqda. 

Video lavhada yuz bergan holat bo`yicha 2021 yil 28 iyul kuni Namangan shaxar IIO FMB 2-son IIB navbatchilik qismiga kelib tushgan xabar asosida IIB xodimlari tomonidan voqea joyiga borilib tergovga qadar tekshiruv harakatlari olib borilgan. Unga ko`ra, Namangan shahar Yangiqurilish MFYda joylashgan 10-sonli oila poliklinikada shifokor bo`lib ishlovchi, 1994 yilda tug`ilgan N.K.ni oldiga Namangan shahrida yashovchi 1999 yilda tug`ilgan B.N. akasi 1996 yilda tug`ilgan G.N.lar o`g`lini sog`lig`i yashi emasligi va tana harorati ko`tarilib ketganligidan shikoyat qilib tibbiy yordam so`rab kelgan. N.K. tibbiy ko`rikni o`tkazib tana harorati ko`tarilmaganligini aytganida, shunda 1999 yilda tug`ilgan B.N. noto`g`ri tashxis qo`yyapsan deb janjal ko`tarib shifokor bilan mushtlashib ketganligi oqibatida shifokor yuz, bosh va qo`l qismiga jaroxat olganligi aniqlangan.

Shifokorni olgan tan jarohati bo`yicha sudga oid ekspertiza tayinlangan bo`lib, 2021 yil 04 avgust kungi xulosaga ko`ra shifokor bosh miya yopiq shikasti, bosh miya chayqalishi, o`ng qo`l tirsak sohasi shilingan jaroxati, peshona, o`ng chakka, o`ng ko`z yuqori qovoq soxasi qontalash jaroxatlari borligi ushbu jaroxat tibbiy mezonga ko`ra og`irlik darajasi bo`yicha sog`liqni buzilishiga sababchi bo`lgan engil tan jaroxati ekanligi aniqlangan.  

Yuqoridagi holat bo`yicha Namangan shaxar IIO FMB TB tomonidan O`zbekiston Respublikasi jinoyat kodeksining 277-moddasi 2-qismi “b” bandi bilan jinoyat ishi qo`zg`atilgan.