Jinoyat ishlari bo`yicha Yangihayot tuman sudi raisi Baxrom Tashpulatovning raisligida o`tgan ochiq sud majlisida 8 oylik chaqalog`ini 10.000 AQSh dollar evaziga qonunga xilof ravishda sotmoqchi bo`lgan 25 yoshli ayolga hukm o`qildi.
Sud majlisi davomida ayol aybiga to`liq iqrorligini bildirdi.
Ayol tahminan 1-2 yillar oldin bir erkak bilan tanishib qolgan. Issiqxonada ishlab yurganida bir nafar o`g`li bo`lgan va ikkinchi farzandiga homilador ekan. Oradan vaqt o`tib, ikkinchi o`g`il farzandi dunyoga kelgan. Ayolning aytishicha, sharoiti judayam og`ir, bolallariga qarashga va ularni ta`minlashga imkoniyati bo`lmagan. Erkak esa bir oy oldin ayolga “bolalaringni bittasini berib yubor, ularni boqa olmayapsan, qiynalyapsan. Sevishib turmush qurishgan bir ayol bor ekan, bolasi yo`q, savob bo`ladi”, degan. Avvaliga “Yo`q, bera olmayman, qamalib ketishni xohlamayman”, degan ayol vaqt o`tib, atrofidagilarinig bu taklifiga rozi bo`lgan.
Hatto xaridorga “bolani olib qo`ymayman va da`vo qilmayman” deb tilxat ham yozib bergan. Ayol 10.000 AQSh dollarni olib, hozirda 8 oylik bo`lgan farzandini xaridorga berganida Departament xodimlari tomonidan tegishli xujjatlar rasmiylashtirilgan.
2021 yil 3 avgust kuni sud yuqoridagi holatlardan kelib chiqib, sud majlisida so`roq qilingan guvohlarni ko`rsatmalarini tinglab, O`zbekiston Respublikasi Oliy sudi Plenumining qarorlariga rioya qilib, hukm qildi. Ayolni JKning 135-moddasi 3-qismining “a” bandida nazarda tutilgan jinoyatni sodir qilganlikda aybdor deb topib, JKning 57-moddasini qo`llab, unga nisbatan 5 yil muddatga ozodlikdan mahrum qilish jazosi tayinlandi.
Tayinlangan jazosi umumiy tartibli kaloniyalarda o`tashlik belgilandi.
