AQShning Afg`onistondagi elchixonasi rahbariyati xodimlarga maxfiy materiallar, shuningdek, toliblar o`z maqsadlari uchun ishlatishi mumkin bo`lgan narsalarni yo`q qilishni buyurdi. Bu haqda diplomatik manbaga tayanib CNN va Ria Novosti xabar berdi.
Maqolada qayd etilishicha, bunga Tolibon mamlakat poytaxtiga muvaffaqiyatli qadam tashlagani sabab bo`lgan. Nashr suhbatdoshining so`zlariga ko`ra, Kobul bir hafta ichida qurshovga olinishi mumkin.
Manba, shuningdek, shahardagi vaziyatni o`ta keskin deb atagan va diplomatik missiyaning rejalari doimo o`zgarib turishini qo`shimcha qilgan.
Afg`onistonda so`nggi oylarda butun mamlakat bo`ylab muhim hududlarni egallab olgan hukumat kuchlari va Tolibon o`rtasidagi qarama -qarshilik bir necha yillardan beri davom etmoqda.
