Qorqalpog`istonda 29 nafar abiturientni o`qishga kiritib qo`yishni va`da qilgan "DTM xodimi" ushlandi.
Bu haqda Bosh prokuratura huzuridagi Departament xabar berdi.
Qayd etilishicha, fuqaro R.E. boshqa bir fuqaro Sh.ga go`yoki o`zini Davlat test markazida ishlovchi shaxs sifatida tanishtirib, unga “Ali” ismli tanishi orqali o`qishga kira olmagan abiturientlarning ballarini kirish ballariga tenglashtirib, jami 29 nafar abiturientni o`qishga kiritib qo`yish evaziga 83 000 AQSh dollarini firibgarlik yo`li bilan olgan vaqtida ashyoviy dalillar bilan ushlanadi.
Mazkur holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qo`zg`atilib, tergov harakatlari o`tkazilayotgani ma`lum qilindi.
