Avvalroq talabalar kontrakt pulini to`lash muddati uzaytirilgani haqida ma`lum qilgan edik. Unga ko`ra, to`lov-kontrakt mablag`larini to`lash 2021 yilning 31 dekabriga qadar mumkin etib qo`yildi.
Shuningdek, Oliy ta`lim vazirligi talabalarga yana bir yangilik haqida xabar berdi. Qayd etilishicha, endi emlangan, biroq sertifikatini kechikib oluvchilarga ham 10 foizlik chegirma beriladi.
"Koronavirus infeksiyasiga qarshi 2021 yilning 15 noyabriga qadar to`liq emlangan (vaksina olgan), lekin emlanganlik to`g`risidagi sertifikatni belgilangan muddatdan kechikib oliy ta`lim muassasasiga taqdim etgan (etayotgan) abiturientlar va talabalarga to`lov-kontrakt summasini to`lashda bir martalik 10 foizli chegirmani qo`llashga ruxsat berildi",-deyiladi vazirlik xabarida.
