Oziq-ovqat sanoatini rivojlantirish bosh boshqarmasi bu haqda Darakchi.uz'ga ma`lum qilmoqda.
Qayd etilishicha, Birlashlar millatlar tashkilotining oziq-ovqat va qishloq xo`jaligi agentligi (FAO) tomonidan 2021 yil uchun e`lon qilingan Global ochlik indeksida (Global Hunger Index) eng yaxshi deb topilgan mamlakatlar orasida O`zbekiston o`tgan yilgi ko`rsatkichlarini 9 pog`ona yaxshilab, 21 o`rinni egalladi. Belarus, Bosniya va Gersegovina, Braziliya, Chili davlatlari reytingda eng yuqori pog`onada bo`lsa, eng kichik ko`rsatkichlar Somali, Suriya va Janubiy Sudan mamlakatlarida kuzatilmoqda.
Ta`kidlanishicha, joriy yilda Global ochlik indeksda 116 ta mamlakat ishtirok etdi. Mazkur indeksda O`zbekiston eng yaxshi deb topilgan va 49 ta mamlakatlar orasida 5,9 ball bilan 21 o`rinni egallagan. Ushbu ma`lumot Global ochlik indeksi rasmiy saytida taqdim etilgan.
"O`tgan yili O`zbekiston ushbu reytingda mamlakat 6,7 ball bilan 30 o`rinda ko`rsatib o`tilgan edi.
Global ochlik indeksining etakchi pog`onalarida Belarus, Bosniya va Gersegovina, Braziliya, Chili davlatlari joylashgan bo`lsa, eng kichik ko`rsatkichlar Somali, Suriya va Janubiy Sudan mamlakatlarida kuzatilmoqda",-deyiladi xabarida.
Ma`lumot uchun, MDH davlatlari mazkur indeks bo`yicha quyidagi o`rinlarni egallashdi:
- Belorussiya — 1;
- O`zbekiston — 21;
- Rossiya — 25;
- Gruziya — 27;
- Qozog`iston — 28;
- Ukraina — 29;
- Armaniston — 32;
- Ozarbayjon — 33;
- Qirg`iziston — 40;
- Turkmaniston — 48.
Eslatib o`tamiz, ushbu indeks har bir mamlakat uchun to`rtta ko`rsatkichni jamlash orqali aniqlanadi:
- to`yib ovqatlanmaydigan aholi ulushi;
- besh yoshgacha bo`lgan vazni me`yordan past bolalar ulushi;
- besh yoshgacha bo`lgan bo`yi me`yordan past bolalar ulushi;
- besh yoshgacha bo`lgan bolalarning o`lim darajasi.
