Ijtimoiy tarmoqda "Lacetti" rusumli, avtomobil haydovchisi qoidani buzgan holda transport vositasiga ruxsat etilmagan mayoqcha o`rnatganligi aks etgan video tarqaldi.
IHXBBning xabar berishicha, video yuzasidan Andijon viloyati IIB YHXB xodimlari tomonidan surishtiruv olib borildi. Ushbu avtomobil haydovchisi, 2001 yilda tug`ilgan B.T.ga nisbatan O`zbekiston Respublikasi Ma`muriy javobgarlik to`g`risidagi Kodeksning 127-moddasi ikkinchi qismi tartibida bayonnoma tuzilib, avtomobil vaqtincha saqlash uchun jarima maydoniga qo`yildi.
