Bugun, 14 yanvar kuni soat 09:02da Toshkent shahar Olmazor tumani Qora-Qamish-3 dahasidagi oziq-ovqat do`koni yonayotganligi to`g`risida tuman FVV bo`limiga xabar kelib tushdi, deya xabar bermoqda FVV Matbuot xizmati.
Shunga ko`ra, 3 ta yong`in-qutqaruv ekipaji voqea joyiga soat 09:06da etib borib, yong`in soat 09:19da qurshab olindi va soat 09:24da bartaraf etildi.
Hodisa oqibatida do`konning taxminan 80 kv.m. maydonida tomi, shifti va ichki qismi yonib zararlangan.
Hodisa oqibatida jabrlangan va halok bo`lganlar yo`q.
Hozirda yong`inning kelib chiqish sababi va moddiy zarar miqdori aniqlanmoqda.
Yuqoridagi kabi ko`ngilsiz vaziyatlarning oldini olish maqsadida, Favqulodda vaziyatlar vazirligi fuqarolardan yong`in xavfsizligi qoidalariga qat`iy rioya etishni so`rab qoladi.
