Qozog`iston sobiq prezidenti Nursulton Nazarboevning kuyovlari egallab turgan lavozimlarini tark etishi davom etadi. Nazarboevning navbatdagi kuyovi Timur Kulibaev "Atameken" milliy tadbirkorlar palatasi rahbari lavozimini tark etdi. Bu haqda palata rasmiy sayti xabar bermoqda.
"Bugundan boshlab men "Atameken" milliy tadbirkorlar palatasi prezidiumining raisi lavozimini tark etishga qaror qildim", - dedi Kulibaev.
Sobiq rais o`z chiqishida o`zining sakkiz yillik faoliyatini ham sarhisob qilarkan, ortda qolgan vaqt davomida "biznes va hukumat o`rtasida konstruktiv muloqot"ni o`rnata olganini, "ishbilarmonlik muhiti"ni shakllantirganini ta`kidladi.
