Toshkent issiqlik elektr stansiyasining 7 ta energoblokidan 5 tasi barqaror faoliyat yuritishni boshladi. Bu haqda Energetika vazirligi Matbuot xizmati xabar qilmoqda.
"Mamlakatimizning barcha hududlarida, xususan Poytaxtimiz va uning atrofida elektr ta`minoti bosqichma-bosqich tiklanib, elektr tarmoqlari va podstansiyalar orqali iste`molchilarga elektr energiyasi etkazib berilmoqda.
Misol uchun, elektr ta`minotida yirik nosozlik kuzatilgunga qadar Toshkent issiqlik elektr stansiyasining 7 ta energoblogi ishlab turgan edi. Ayni paytda esa sozlash-tiklash ishlari olib borilib, ularning 5 tasi barqaror ish faoliyatiga keltirildi", - deyiladi xabarda.
