Shavkat Mirziyoev raisligidagi yig`ilish davomida davlat rahbari yana bir muhim masalaga to`xtalib o`tdi, deb xabar bermoqda Prezident Matbuot xizmati:
"Ko`rib turganingizdek, Yangi O`zbekistonning Taraqqiyot strategiyasini hayotga joriy etish uchun oldimizda juda katta vazifalar turibdi. Ularni amalga oshirish albatta oson bo`lmaydi.
Lekin biz o`tgan besh yil mobaynida bu borada katta tajriba to`pladik, o`z ish uslubimizni shakllantirdik. Endi talab yanada qattiq bo`ladi. Bu faqat Prezidentning talabi emas, bizga ishonch bildirgan xalqimizning talabi, hayot talabi.
Shuning uchun ham bir g`ayratimizga o`n g`ayrat qo`shib, haqiqiy fidoyilik namunasini ko`rsatib ishlashimiz kerak".
