Daniya Sog`liqni saqlash vazirligi kelasi haftadan boshlab COVID-19 ga qarshi kurash doirasida qolgan barcha cheklovlarni bekor qilishni taklif qildi, deya xabar beradi The Guardian nashri.
Mamlakat Sog`liqni saqlash vaziri Magnus Xoynike hukumat seshanba kuni barcha cheklovlarni 1 fevralgacha olib tashlashni taklif qilgan mutaxassislarning tavsiyalariga amal qilish niyatida ekanligini aytdi.
Manbada aytilishicha, bu taklif kuchga kirishi uchun u hali ham parlament tomonidan tasdiqlanishi kerak.
Cheklovlar bekor qilinsa, tungi klublar qayta ochilishi mumkin, restoranlar 22:00 dan keyin spirtli ichimliklar sotishi mumkin, yo`lovchilar esa niqobsiz transport vositalariga o`tirishlari mumkin bo`ladi.
"Omikron" shtammining yuqori yuqumliligiga qaramay, o`tgan hafta Buyuk Britaniya, Irlandiya va Niderlandiya hukumatlari tomonidan shunga o`xshash takliflar kiritilgan.
Ma`lumot uchun, Daniyada pandemiya boshlanganidan buyon 1,4 million kishi koronavirus bilan kasallangan, ulardan 3,6 ming bemor vafot etgan.
