“Fiorentina” klubining serbiyalik hujumchisi Dushan Vlahovich “Yuventus”ga o`tdi. Bu haqda turin klubi rasmiy sayti xabar berdi.
Avvalroq OAVda futbolchining transfer narxi 75 million evro bo`lishi haqida xabarlar tarqalgandi. Vlahovichning "Yuventus"dagi maoshi yiliga 7 million evroni tashkil qiladi.
Futbolchi tibbiy ko`rikdan o`tdi va turinliklar bilan uzoq muddatli shartnoma imzoladi.
Ma`lumot uchun, Dushan Vlahovich 2018 yilda "Fiorentina" safiga Serbiyaning "Partizan" jamoasidan kelib qo`shilgan.
Joriy mavsumda Italiya A seriyasining 21ta o`yinida Dusan 17ta gol urdi va 4ta golga assistentlik qildi.
