“Фиорентина” клубининг сербиялик ҳужумчиси Душан Влаҳович “Ювентус”га ўтди. Бу ҳақда турин клуби расмий сайти хабар берди.
Аввалроқ ОАВда футболчининг трансфер нархи 75 миллион евро бўлиши ҳақида хабарлар тарқалганди. Влаҳовичнинг "Ювентус"даги маоши йилига 7 миллион еврони ташкил қилади.
Футболчи тиббий кўрикдан ўтди ва туринликлар билан узоқ муддатли шартнома имзолади.
Маълумот учун, Душан Влаҳович 2018 йилда "Фиорентина" сафига Сербиянинг "Партизан" жамоасидан келиб қўшилган.
Жорий мавсумда Италия А сериясининг 21та ўйинида Дусан 17та гол урди ва 4та голга ассистентлик қилди.
