Yanvar oyida dunyoda koronavirus infeksiyasining tasdiqlangan holatlari soni birdaniga 90 million kishiga ko`paydi, bu dekabr oyiga nisbatan 3,6 barobar, 2021 yilning yanvariga nisbatan 4,7 barobar ko`pdir. Bu haqda TASS xabar bermoqda.
Shu tariqa, sayyoramizda pandemiya bilan kasallanish maksimal darajaga etdi: birgina so`nggi haftaning o`zida dunyoda 22 million kishida infeksiya aniqlandi, bu yangi infeksiya tarqalishining butun davri uchun eng yuqori ko`rsatkich bo`ldi.
Biroq, ba`zi mamlakatlarda kasallanish allaqachon pasaygan. Shu fonda rasmiylar asosiy cheklovlarni, jumladan, niqob rejimini ham bekor qilmoqdalar va yaqin orada koronavirus infeksiyasini oddiy shamollash kabi davolashni boshlashlarini e`lon qilishmoqchi.
Kasallikning jiddiy o`sishiga qaramay, dunyoda yangi infeksiya tufayli o`lim deyarli o`sgani yo`q. Jumladan, yanvar oyida dunyoda 233 mingdan ortiq kasallangan odam vafot etdi, bu dekabr oyiga nisbatan atigi 10 foizga ko`p.
Eng yuqori o`lim darajasi hali ham AQShda kuzatilmoqda. U erda har kuni 3 mingdan ortiq o`lim qayd etilgan va bir oyda 65 mingga yaqin kishi koronavirus oqibatida halok bo`lgan.
