2022 yilning birinchi choragida O`zbekistonga chet eldan 1,47 mlrd dollarlik pul o`tkazmalari yuborilgan, bu o`tgan yilning shu davriga nisbatan 3 foizga ko`p, deyiladi Markaziy bank xabarida.
Tijorat banklari jismoniy shaxslardan yanvar — mart oylarida 2,11 mlrd (38%) dollar sotib olgan, aksincha ushbu muddat davomida 1,73 mlrd (69%) dollarlik valyuta sotgan.
Ta`kidlanishicha, bugungi kunda odamlarga qulay sharoit yaratish maqsadida tijorat banklarida Zolotaya Korona, Western Union, Contact, MoneyGram, Migom, Unistream, RIA Money Transfer, Aziya-Ekspress, Intel Express, UPT kabi xalqaro pul o`tkazmalari tizimlari ishlab turibdi. Ularda chet eldan xalqaro pul o`tkazmasi orqali kelib tushgan pul mablag`larini o`z xohishlariga ko`ra, chet el valyutasida yoki milliy valyutada olish imkoniyatlari yaratilgan.
Bundan tashqari, masofaviy tarzda jismoniy shaxslar bank binolariga tashrif buyurmagan holda xalqaro pul o`tkazmalari tizimi orqali kelib tushgan pul mablag`larini o`zlarining bank kartalariga to`g`ridan-to`g`ri qabul qilib olishlari bo`yicha barcha zaruriy choralar ko`rilgan.
