Sportni rivojlantirish vazirligining bergan ma`lumotlariga ko`ra, Turkiyaning Istanbul shahri mezbonlik qilgan boks bo`yicha ayollar o`rtasidagi Jahon chempionati bahslari o`z poyoniga etdi.
Quvonarlisi, ushbu musobaqada ikki nafar vakilamiz Aziza Yoqubova hamda Mohira Abdullaeva Jahon chempionatining bronza medaliga sazovor bo`ldi.
O`zbekiston ayollar boksi tarixida yangi sahifa ochgan qizlarimizga musobaqa medallari tantanali ravishda topshirildi. Shunisi ahamiyatliki, o`zbek qizlari ilk marotaba ayollar o`rtasidagi Jahon chempionati shohsupasiga ko`tarilishdi va bayrog`imiz mag`rur hilpiradi.