Joriy yilning 15-25 iyul kunlari poytaxtimizda og`ir atletika bo`yicha o`smirlar va yoshlar o`rtasida qit`a chempionati bo`lib o`tadi.
Kecha Osiyo og`ir atletika federasiyasi mazkur chempionatda qit`a mamlakatlaridan ishtirok etadigan sportchilar to`g`risida taqdim etiladigan dastlabki talabnomalar muddati yakunlanganligini e`lon qildi.
Taqdim etilgan talabnomalarga ko`ra, 25 ta davlatdan 400 nafardan ziyod ishtirokchi to`g`risidagi ma`lumotlar jamlangan. Bunda yoshlar 250 nafarni, o`smirlar 200 nafarga yaqinni tashkil etgan.
O`zbekiston og`ir atletika federasiyasi ma`lumotiga binoan, ushbu chempionatda yurtimiz terma jamoasi 40 nafardan ziyod sportchi bilan qatnashishi bo`yicha tashkiliy qo`mitaga taqdimnoma kiritgan.
Shuningdek, kecha Osiyo chempionatini o`tkazish tashkiliy qo`mitasi musobaqa logotipini ham e`lon qildi.