Bir muddat avval O`zbekiston Respublikasi Prezidenti Shavkat Mirziyoev va Ozarbayjon Respublikasi Prezidenti Ilhom Aliev dastlab tor doirada, keyinroq ikki mamlakat delegasiyalari ishtirokida kengaytirilgan tarkibda muzokara o`tkazgandi.
Ta`kidlanishicha, ko`ksaroyda o`tgan muzokaralar yakunida hujjatlarni imzolash marosimi bo`ldi.
Qayd etilishicha, shuningdek, davlat rahbarlari huzurida ikki mamlakat hukumatlari, vazirlik va idoralari o`rtasida 18 ta hujjat ham imzolandi. Hududlararo hamkorlik, sanoat, xalqaro avtomobil qatnovi, noqonuniy migrasiyaga qarshi kurashish, o`simliklar karantini va himoyasi sohalaridagi hamkorlik, harbiy va harbiy-texnikaviy hamkorlik to`g`risidagi bitimlar hamda turizm sohasidagi hamkorlik dasturi shular jumlasidanligi aytiladi.
"Ushbu hujjatlar O`zbekiston va Ozarbayjon o`rtasidagi hamkorlikning qator istiqbolli yo`nalishlarida amaliy sheriklikni mustahkamlashga xizmat qiladi",-deyiladi xabarda.
