DSQ soliq xizmati organlari tomonidan byudjetga tushirilgan tushumlar miqdori e`lon qildi.
Unga ko`ra, joriy yilning birinchi yarmida byudjetga soliq tushumlari 71 trln so`mni tashkil etib, o`tgan yilning shu davriga (61,4 trln so`m) nisbatan 15,7%ga o`sgan.
Soliq to`lovchilarga soliq yukining pasaytirilishi hisobiga soliq bazasining kengayishi hamda soliq ma`muriyatchiligi takomillashtirilishi, shuningdek tadbirkorlik sub`ektlari iqtisodiy faolligining ortishi soliq organlari nazoratidagi tushumlar o`sishini ta`minladi.
O`sish sur`ati eng yuqori bo`lgan hududlar – TOP-5:
1. Toshkent shahri - 43,5% (9,9 trln so`m);
2. Farg`ona viloyati - 39,1% (2 trln so`m);
3. Samarqand viloyati - 36,1% (1,9 trln so`m);
4. Buxoro viloyati - 35,7% (1,5 trln so`m);
5. Surxondaryo viloyati - 34,1% (1,2 trln so`m).
