ДСҚ бюджетга туширилган тушумларни эълон қилди

ДСҚ солиқ хизмати органлари томонидан бюджетга туширилган тушумлар миқдори эълон қилди. 

Унга кўра, жорий йилнинг биринчи ярмида бюджетга солиқ тушумлари 71 трлн сўмни ташкил этиб, ўтган йилнинг шу даврига (61,4 трлн сўм) нисбатан 15,7%га ўсган.

Солиқ тўловчиларга солиқ юкининг пасайтирилиши ҳисобига солиқ базасининг кенгайиши ҳамда солиқ маъмуриятчилиги такомиллаштирилиши, шунингдек тадбиркорлик субъектлари иқтисодий фаоллигининг ортиши солиқ органлари назоратидаги тушумлар ўсишини таъминлади.

Ўсиш суръати энг юқори бўлган ҳудудлар – ТОП-5:

1. Тошкент шаҳри - 43,5% (9,9 трлн сўм);

2. Фарғона вилояти - 39,1% (2 трлн сўм);

3. Самарқанд вилояти - 36,1% (1,9 трлн сўм);

4. Бухоро вилояти - 35,7% (1,5 трлн сўм);

5. Сурхондарё вилояти - 34,1% (1,2 трлн сўм).