Kitob tumani markaziy shifoxonasidagi pichoqbozlik bo`yicha qo`shimcha ma`lumot berildi

Jamiyat 20.07.2022, 09:14
Teglar: Video, Kitob, pichoq
Kitob tumani markaziy shifoxonasidagi pichoqbozlik bo`yicha qo`shimcha ma`lumot berildi

Kuni kecha, internet saytlari, telegram kanallar va ijtimoiy tarmoqlarda Kitob tumani tibbiyot birlashmasida bir guruh fuqarolar o`rtasida janjal yuz berganligi aks etgan videotasvirlar  e`lon qilindi. 

Mazkur holat yuzasidan Qashqadaryo viloyati Sog`liqni saqlash boshqarmasi munosabat bildirdi. 

Ma`lum qilinishicha, 2022 yil 18 iyul kuni soat 12:48 da Kitob tumani "Samarqand" MFY hududida yashovchi, 2004 yilda tug`ilgan fuqaro T.O. turli jarohatlar bilan tuman tibbiyot birlashmasi qabul-diagnostika bo`limiga olib kelingan. Bemor zudlik bilan mutaxassislar tomonidan tegishli tekshiruvlardan o`tkazilib, unga birinchi yordam ko`rsatilgan va shoshilinch tez tibbiy yordam bo`limiga yotqizilgan.  

 Shu bemor bilan birga tibbiyot birlashmasining travmatologiya bo`limiga "Samarqand" MFY hududida yashovchi, 1955 yilda tug`ilgan Q.R. ham jarohat olganligi sababli yotqizilgan.

Ushbu voqealardan biroz vaqt o`tib, tuman tibbiyot birlashmasi hovlisida bemor T.O. dan xabar olishga kelgan qarindoshlari hamda bemorga jarohat etkazganlikda gumonlanayotgan kishilar o`rtasida janjal yuzaga kelgan. Janjal natijasida yana bir guruh fuqarolar jarohatlangan.

Jumladan, "Samarqand" MFY hududida yashovchi, 1979 yilda tug`ilgan Q.I. va shu mahallada yashovchi, 1978  yilda tug`ilgan A.A.  sanchib kesilgan turli jarohatlar bilan shifoxonaga yotqizilgan.

Fuqarolar o`rtasidagi janjal shu erda hozir bo`lgan ichki ishlar xodimlari tomonidan to`xtatilgan. Jarohatlangan fuqarolarga zudlik bilan tegishli tibbiy yordamlar ko`rsatilgan.

Ayni paytda yuqorida qayd etilgan 4 nafar bemorning ahvoli qoniqarli, davolash jarayonlari davom ettirilmoqda.  Hodisa oqibatida tuman tibbiyot birlashmasida davolanayotgan boshqa bemorlar, bu erda faoliyat ko`rsatayotgan tibbiyot xodimlari va voqeaga guvoh bo`lgan boshqa fuqarolarga shikast etmagan. Holat bo`yicha huquqni muhofaza qilish idoralari tomonidan tergov harakatlari olib borilmoqda.

 

 

Sharhlar

Toshkentda 100 nafar odamni aldab, 55 nafarini xorijga yuborgan jinoiy guruhga sud hukmi o`qildi (video)

30.11.2022, 21:19

Jinoyat ishlari bo`yicha Mirzo Ulug`bek tuman sudida 100 nafar jabrlanuvchini ishonchiga kirib, qariyb 550 million so`mni talon taroj qilgan 3 nafar sudlanuvchiga oid jinoyat ishi...
Andijonlik 22 yoshli yigit samarqandlik fuqaroning telegram akkauntini o`zlashtirib, uni "sharmanda" qilish bilan qo`rqitib, pul talab qildi (video)

29.11.2022, 18:20

O`zgani qo`rqitish orqali pul talab qilgan shaxs qo`lga olindi. Bu haqda Samarqand viloyati IIB matbuot xizmati xabar berdi. Ma`lum qilinishicha, Samarqand tumanida yashovchi 1997 yilda tug`ilgan...
Samarqandda er xotinini o`ldirmmoqchi bo`ldi, ayol qochib yo`ldagi mashinaga chiqib oldi (video)

28.11.2022, 09:28

Ijtimoiy ttarmoqlarda Samarqandda ayol turmush o`rtog`idan qochib qutulish uchun birovning mashinasiga o`tirishga majbur bo`lgani aks etgan video tarqaldi.Holat yuzasidan Samarqand viloyati IIB Axborot xizmati ma`lumot...
Buxoroda katta tezlikda kelayotgan Nexia bir guruh o`quvchilarni urib ketdi. Bir bola mashina tagida qolgan (video)

24.11.2022, 10:34

Buxoroda ayanchli YTH sodir bo`ldi. Bu haqda YHXX xabar bermoqda. Ma`lum qilinishicha, kecha, 23 noyabr kuni soat 16:30 larda Buxoro viloyati, Qorako`l tumani hududidan o`tuvchi 4R-76...