Shavkat Mirziyoev Vladimir Putin bilan telefon orqali muloqot qildi

Siyosat 16.08.2022, 17:59
Teglar: Shavkat Mirziyoev, Putin
Shavkat Mirziyoev Vladimir Putin bilan telefon orqali muloqot qildi

O`zbekiston Respublikasi Prezidenti Shavkat Mirziyoev 16 avgust kuni Rossiya Federasiyasi Prezidenti Vladimir Putin bilan telefon orqali muloqot qildi. Bu haqda PRezident matbuot xizmati xabar qildi. 

Mamlakatlarimiz o`rtasidagi strategik sheriklik va ittifoqchilik munosabatlari kun tartibidagi dolzarb masalalar ko`rib chiqildi, mintaqaviy hamkorlik yuzasidan fikr almashildi.

Oliy darajadagi kelishuvlarni amalga oshirish, xususan, O`zbekiston va Rossiyaning hududlari va tadbirkorlari darajasidagi ustuvor kooperasiya loyihalarini ilgari surishga alohida e`tibor qaratildi. 

Ta`kidlash joizki, joriy yilning etti oyida tovar ayirboshlash 30 foizga oshdi. Ayni paytda savdo ko`rsatkichlarining o`sishi yuqori qo`shilgan qiymatli mahsulotlarni o`zaro etkazib berishni ko`paytirish hisobiga ta`minlanmoqda.

Hududlar o`rtasida faol va samarali almashinuvlar amalga oshirilmoqda, shu yilning kuzida uchinchi O`zbekiston-Rossiya hududlar forumini o`tkazish rejalashtirilgan. Muhim investision loyihalar va madaniy-gumanitar dasturlar davom ettirilmoqda.

Suhbatda O`zbekiston va Rossiya etakchilari, eng avvalo, amaliy sheriklikni aniq, sifatli mazmun bilan boyitish bo`yicha birgalikdagi ishlarni davom ettirish orqali mamlakatlarimiz o`rtasidagi ko`p qirrali hamkorlikni yanada kengaytirish muhimligini qayd etdilar.

Shuningdek, bo`lajak ikki va ko`p tomonlama tadbirlar rejasi muhokama qilindi. Davlat rahbarlari joriy yil sentyabr oyida Samarqand shahrida Shanxay hamkorlik tashkiloti sammitini tashkil etish va o`tkazish masalalariga alohida to`xtaldilar.

O`zbekiston Prezidenti va Rossiya Prezidentining telefon orqali muloqati har doimgidek konstruktiv, ochiq va do`stona ruhda o`tdi.

Sharhlar

Putin Moskvadagi qarorgohida zinadan yiqildi - OAV

03.12.2022, 10:48

Rossiya etakchisi Putin chorshanba kuni Moskvadagi rasmiy qarorgohi zinasidan yiqilib tushgani xabar qilindi. Bu haqda Isroilning Arutz Sheva axborot xizmati Putinning xavfsizlik xizmati bilan bog`liq...
Toqaev Putinning taklifiga binoan Rossiyaga keldi

28.11.2022, 09:41

Qozog`iston prezidenti Qosim-Jomart Toqaev Rossiya prezidenti Vladimir Putinning taklifiga binoan rasmiy tashrif bilan Rossiya Federasiyasiga keldi, deb xabar qildi "zakon.kz"Ma`lum qilinishicha, bugun, 28 noyabr kuni...
Gurbanguli Berdimuhamedov Shavkat Mirziyoevga turkman xalqi alohida qadrlaydigan alabay zotli kuchuk sovg`a qildi

21.10.2022, 13:45

Turkmanistonga rasmiy tashrif doirasida O`zbekiston Prezidenti Shavkat Mirziyoev ushbu mamlakat Parlamentining yuqori palatasi raisi Gurbanguli Berdimuhamedov bilan uchrashdi, deya xabar bermoqda Prexident matbuot xizmati. Davlatimiz rahbari...
"Afg`onistondagi vaziyatni hal etish va u erda tinch hayotni tiklash muhim". Shavkat Mirziyoev Ostonadagi sammitda nutq so`zladi

13.10.2022, 11:20

O`zbekiston Prezidenti Shavkat Mirziyoev Ostona shahrida bo`lib o`tayotgan Osiyoda hamkorlik va ishonch choralari bo`yicha kengash VI sammitida nutq so`zladi. O`zbekiston rahbari Afg`onistondagi vaziyatni hal etish va...