Sevimli

Шавкат Мирзиёев Владимир Путин билан телефон орқали мулоқот қилди

СИЁСАТ 16.08.2022, 17:59
Теглар: Шавкат Мирзиёев, Путин
Шавкат Мирзиёев Владимир Путин билан телефон орқали мулоқот қилди

Ўзбекистон Республикаси Президенти Шавкат Мирзиёев 16 август куни Россия Федерацияси Президенти Владимир Путин билан телефон орқали мулоқот қилди. Бу ҳақда ПРезидент матбуот хизмати хабар қилди. 

Мамлакатларимиз ўртасидаги стратегик шериклик ва иттифоқчилик муносабатлари кун тартибидаги долзарб масалалар кўриб чиқилди, минтақавий ҳамкорлик юзасидан фикр алмашилди.

Олий даражадаги келишувларни амалга ошириш, хусусан, Ўзбекистон ва Россиянинг ҳудудлари ва тадбиркорлари даражасидаги устувор кооперация лойиҳаларини илгари суришга алоҳида эътибор қаратилди. 

Таъкидлаш жоизки, жорий йилнинг етти ойида товар айирбошлаш 30 фоизга ошди. Айни пайтда савдо кўрсаткичларининг ўсиши юқори қўшилган қийматли маҳсулотларни ўзаро етказиб беришни кўпайтириш ҳисобига таъминланмоқда.

Ҳудудлар ўртасида фаол ва самарали алмашинувлар амалга оширилмоқда, шу йилнинг кузида учинчи Ўзбекистон-Россия ҳудудлар форумини ўтказиш режалаштирилган. Муҳим инвестицион лойиҳалар ва маданий-гуманитар дастурлар давом эттирилмоқда.

Суҳбатда Ўзбекистон ва Россия етакчилари, энг аввало, амалий шерикликни аниқ, сифатли мазмун билан бойитиш бўйича биргаликдаги ишларни давом эттириш орқали мамлакатларимиз ўртасидаги кўп қиррали ҳамкорликни янада кенгайтириш муҳимлигини қайд этдилар.

Шунингдек, бўлажак икки ва кўп томонлама тадбирлар режаси муҳокама қилинди. Давлат раҳбарлари жорий йил сентябрь ойида Самарқанд шаҳрида Шанхай ҳамкорлик ташкилоти саммитини ташкил этиш ва ўтказиш масалаларига алоҳида тўхталдилар.

Ўзбекистон Президенти ва Россия Президентининг телефон орқали мулоқати ҳар доимгидек конструктив, очиқ ва дўстона руҳда ўтди.

Шарҳлар

Мен билган Путин нимадирни режалаштирса, ўшани қиладиган одам — Эрдўғон

29.09.2022, 11:17

Туркия президенти Эрдўғон президент Путин билан Украинанинг КХДР, ЛПР, Запороже ва Херсон вилоятларида бўлиб ўтган референдумлар ҳақида гаплашишини кутмоқда. Бу ҳақда "forbes" ёзмоқда. Туркия президенти Ражаб...
"Ядро қуроли билан шантаж қилмоқчи бўлганлар билиб қўйсинки..." Путин огоҳлантирди

21.09.2022, 11:47

Ғарбдан ядровий шантаж бошланди, деди Владимир Путин ўз мурожаатида.Унинг сўзларига кўра, Вашингтон, Лондон, Брюссель Киевни ҳарбий амалиётларни Россия ҳудудига ўтказишга бевосита ундамоқда.“Мамлакатимизнинг ҳудудий яхлитлигига таҳдид...
Путин Россияда қисман ҳарбий сафарбарлик эълон қилди (видео)

21.09.2022, 11:32

Россия президенти Владимир Путин россияликларга, шунингдек, Украинанинг КХДР, ЛПР, Херсон ва Запороже вилоятлари аҳолисига мурожаат қилди. Унда президент Россияда қисман сафарбарлик эълон қилган. Бу ҳақда...
Шавкат Мирзиёев Урганчда Жалолиддин Мангуберди ҳайкалини очиб берди (фото)

29.08.2022, 11:46

Аввал хабар қилганимиздек, Бугун Президент Шавкат Мирзиёев Урганч шаҳрида буюк саркарда ва давлат арбоби Жалолиддин Мангуберди ҳайкалининг тантанали очилиш маросимида иштирок этиш учун Хоразм вилоятига...
Кун мавзуси: коронавирус
Об-ҳаво: Тошкент
+18.97° app.облачно с прояснениями
Валюта курси
11004.94
USD -9.07
10783.74
EUR 108.96
192.98
RUB 1.18
1