Avval xabar qilganimizdek, 2022 yil 21 iyul kuni Farg`ona viloyati O`zbekiston tumanida baxtsiz hodisa sodir bo`lib, uning oqibatida 23-sonli davlat maktabgacha ta`lim tashkilotining 4 yoshli tarbiyalanuvchisi suvda cho`kib ketib, vafot etdi.
Hodisa yuzasidan Bosh prokuratura ma`lumot berdi.
Ma`lum qilinishicha, mazkur holat yuzasidan Jinoyat kodeksining 116-moddasi 3-qismi (Kasb yuzasidan o`z vazifalarini lozim darajada bajarmaslik) hamda 167-moddasi 2-qismi “g” bandi (o`zlashtirish yoki rastrata yo`li bilan talon-toroj qilish) bilan jinoyat ishi qo`zg`atildi.
DMTTning moliyaviy faoliyati o`rganilganda, tarbiyalanuvchilar uchun sarflanishi lozim bo`lgan 24,3 mln. so`mlik oziq-ovqat mahsulotlari talon-toroj qilinganligi ham aniqlangan.
Tergov harakatlari olib borilmoqda.
