AQSh prezidenti Jo Bayden Ukraina etakchisi Vladimir Zelenskiy bilan telefon orqali muloqoti chog`ida Vashington Kievni zamonaviy havo mudofaasi (havo hujumidan mudofaa) tizimlari bilan ta`minlashini aytdi. Bu haqda Oq uy matbuot xizmati xabar bergan.
“Prezident Bayden Ukrainaga o`zini himoya qilish uchun zarur bo`lgan yordam, jumladan, ilg`or havo mudofaa tizimlarini taqdim etishda davom etishga va`da berdi. Shuningdek, u Ukrainaga xavfsizlik, iqtisodiy va gumanitar yordam ko`rsatishni davom ettirish uchun ittifoqchilar va hamkorlar bilan davom etayotgan hamkorlikni ta`kidladi”, — deyiladi Oq uy saytida.
Qo`shma Shtatlar Rossiyaning mamlakatni demilitarizasiya va denaziyalashtirish bo`yicha maxsus operasiyasi fonida Ukrainani faol qo`llab-quvvatlamoqda. Shunday qilib, sentyabr oxirida Pentagon yana 1,1 milliard dollarlik harbiy yordam paketini ajratdi.
