Sardoba tumani Kengashining navbatdan tashqari sessiyasida bugunga qadar O`zbekiston Respublikasi suv xo`jaligi vazirining o`rinbosari lavozimida ishlab kelayotgan Mirzaev Akmal Arzievich nomzodi tuman hokimi lavozimiga tavsiya etildi.
A.Mirzaev 1971 yilda tug`ilgan. 1997 yilda Samarqand davlat arxitektura-qurilish institutini, 2003 yilda Toshkent davlat iqtisodiyot universitetini, 2010 yilda O`zbekiston Respublikasi Bank-moliya akademiyasini tamomlagan. Mutaxassisligi iqtisodchi-moliyachi. Turli yillarda Qishloq xo`jaligi vazirligi, O`zbekiston Respublikasi Prezidenti devonida mas`ul lavozimlarda faoliyat yuritgan. Deputatlar Akmal Mirzaev nomzodini tuman hokimi lavozimiga bir ovozdan tasdiqladi.
Shuningdek, xalq deputatlari Farg`ona tuman kengashining navbatdan tashqari sessiyasida Hamidullo Tojievich Inomov tuman hokimi etib tasdiqlandi.
H. Inomov 1982 yilda Farg`ona viloyati Buvayda tumanida tug`ilgan. U O`zbekiston Respublikasi Prezidenti huzuridagi Davlat xizmatini rivojlantirish agentligi Kadrlar ma`muriyatchiligi departamenti davlat organlari va tashkilotlarida kadrlar ishini muvofiqlashtirish boshqarmasi bosh inspektori vazifasida ishlab kelayotgan edi.
