YouTube video platformasi tarmoqda bildirilgan haqoratli izohlar uchun foydalanuvchilarga nisbatan chora ko`rishni boshlaydi.
Qayd etilishicha, izohlarda haqoratli so`zlarni yozgan foydalanuvchilarga nisbatan avval ogohlantirish beriladi va agar bu yana takrorlanadigan bo`lsa, sharh muallifi bir kunga bloklanadi. Dastlab yangi funksiya faqat xizmatning ingliz tilidagi segmentida ishlaydi.
Agar tizim foydalanuvchining bir nechta sharhlarini haqorat bilan o`chirib tashlagan bo`lsa, unga ogohlantirish beriladi va takroriy qoidabuzarliklar bo`lsa, 24 soat davomida blokirovka qilinadi. YouTube’ga ko`ra, bunday choralar foydalanuvchilarning shu kabi xatti-harakatlarini takrorlash ehtimolini kamaytirishga yordam beradi.
Shuningdek, platforma 2022 yilning birinchi yarmida 1,1 milliarddan ortiq spam-sharhlarni o`chirib tashlaganligi haqida xabar berdi. Ishlab chiquvchilarning ta`kidlashicha, YouTube xizmatlari bunday xabarlarni tanib olish va yo`q qilishda tobora yaxshilanib bormoqda. Spam-xabarlar nafaqat videolar ostidagi sharhlarda, balki jonli chat bo`limlarida ham yo`q qilinadi.
