Ukrainadan dam olish va reabilitasiya uchun 45 nafar bola va 5 nafar hamrohlik qiluvchi guruh O`zbekistonga olib kelindi. Bu haqda mamlakatning Toshkentdagi elchisi Nikolay Doroshenko ma`lum qildi.
"Ukraina elchixonasining bolalarga psixologik muvozanatni tiklash, Ukraina shaharlariga har kuni amalga oshirilayotgan havo trevogalari va raketa hujumlarini unutishga yordam berish haqidagi murojaatiga mehr bilan javob bergan O`zbekiston biznes va jamoat tashkilotlari vakillariga katta rahmat", — deydi elchi ijtimoiy tarmoqda qoldirgan xabarida.
Qayd etilishicha, Xarkov, Xerson, Nikolaev, Zaporoje, Sumi, Xmelniskiy, Lvov va Kievdan kelgan bolalar 12 kun davomida Anor tog` oromgohida dam oladi.
