Jazoir o`z havo hududini Marokashga yo`naltiriladigan insonparvarlik va tibbiy parvozlar uchun ochishini e`lon qildi.
O`tgan yili Marokash bilan aloqalarini uzgan qo`shni davlat Marokashda yuz bergan kuchli zilzila qurbonlariga gumanitar yordam etkazilishini osonlashtirish uchun havo hududini ochishga qaror qilgan.
Shuningdek, Jazoir prezidenti Abdulmajid Tebbun zilziladan jabr ko`rgan hududlarga birdamlik belgisi sifatida o`z mamlakatining insonparvarlik yordamini ko`rsatishga to`liq tayyorligini bildirgan.
Ma`lumot uchun, ayni vaqtga qadar zilzila oqibatida mamlakatda 1100 dan ortiq odam halok bo`lgani xabar qilindi.
Marokash harbiylari zilzila qurbonlari va talofatlarini kamaytirish uchun qo`shin va boshqa kuchlarni joylashtirgan.
Bir qator davlatlar, jumladan, Buyuk Britaniya, Isroil, Jazoir va Tunis mamlakat aholisiga yordam berish uchun Marokashga qidiruv-qutqaruv va tegishli mutaxassislarini jo`natishga tayyorligini ma`lum qilgan.
