1

Xarid cheklaridagi ayrim ma`lumotlarni o`zgartirish imkoniyati beriladi

Iqtisodiyot 13.09.2023, 11:26
Xarid cheklaridagi ayrim ma`lumotlarni o`zgartirish imkoniyati beriladi

Soliq to`lovchilardan kelib tushayotgan murojaatlarni inobatga olgan holda, "Soliqchi-ko`makchi" tamoyili asosida, 2023 yil 13 sentyabrdan 23 sentyabrgacha (23 sentyabr ham) 2022 yildagi onlayn-NKT va marketpleys cheklarini tahrirlash imkoni beriladi. Bu haqda Soliq qo`mitasi matbuot xizmati xabar bermoqda. 

Ma`lum qilinishicha, ushbu davrda cheklarning mahsulot va xizmatlar identifikasiya kodi (MXIK) va “komitent STIR” ma`lumotlarini o`zgartirish mumkin.

Buning uchun my3.soliq.uz saytidagi shaxsiy kabinetida "Yuridik shaxslarning onlayn nazorat kassa texnikasi ma`lumotlari" sahifasidan "Chek ma`lumotlari" bo`limiga kiriladi.

Qidiruv tizimiga chekning fiskal moduli (ID), sanasi yoki raqamini kiritib tuzatiladigan chek topiladi.

Ochilgan oynada chek ma`lumotlari tahrirlanadi.

Ma`lumot o`zgartirishlar kiritilgandan so`ng, faqat bitta fayl – tadbirkorlik sub`ektining tahrirlash natijasi bo`yicha yuzaga keladigan o`zgarishlar oqibatlarini o`z zimmasiga olishi haqidagi rasmiy xati (muhrlangan) ilova qilinishi lozim.

"Saqlash" tugmasi orqali jarayon yakunlanadi.

Cheklar tahrirlangan taqdirda tadbirkorlik sub`ektlaridan tegishli hisobotlarni qayta topshirish talab etiladi.

QO`LLANMA

Ma`lumot uchun: Tadbirkorlik sub`ektlariga 2023 yilning o`tgan davri uchun aprel va avgust oylarida cheklarni tahrirlash imkoniyati berilgan.

Sharhlar

Ob-havo: Toshkent
Valyuta kursi
1