Evroparlament Belarus fuqarosi Aleksandr Lukashenkoni Ukrainaning Rossiya tomonidan bosib olingan viloyatlaridan bolalarni noqonuniy olib chiqishda ishtiroki qayd etilgan rezolyusiyasini qabul qildi. Bu haqda Evroparlament saytida ma`lum qildi.
Aytilishicha, 2150 dan ortiq bolalar, jumladan, etim bolalar bosib olingan Ukraina hududlaridan Belarusga ko`chirilib, ularning ongi noto`g`ri ma`lumotlar bilan “zaharlangan”.
Hujjatda Evroparlamentning ushbu jinoyatdan xavotiri haqida so`z boradi. Shuningdek, Evropa Ittifoqi vakillari Xalqaro jinoiy sudni Aleksandr Lukashenkoni hibsga olish uchun xalqaro order berish masalasini ko`rib chiqishga chaqirgan.
Evroparlament Lukashenko rejimining Rossiyaning Ukrainaga qarshi urushiga aralashuvini, shuningdek, uning nafratli nutqi, dezinformasiyasi va Moskva da`volariga mos keladigan tashviqotini qoralagan. Deputatlar Lukashenko rejimiga Rossiya o`q-dorilari va harbiy texnikasining ko`p miqdorda etkazib berilishi, shuningdek, Rossiya qo`shinlarining Belarus hududiga kiritilishidan xavotirdaligini bildirgan.
“Maxsus xalqaro tribunal nafaqat Putin va Rossiya siyosiy va harbiy rahbariyati, balki Belarus rahbariyatining ham jinoyatlarini tergov qilish vakolatiga ega bo`lishi kerak”, deyiladi hujjatda.
