Xol va norlarni yo`qotish mumkinmi?
Har bir insonda o`rtacha 10 tadan 40 tagacha xol bor. Tanamizning turli a`zolarida joylashgan xollar ba`zan go`zalligimizga go`zallik qo`shsa, gohida aksincha bo`lishi ham mumkin. Xol haqida odamlar orasida turli fikrlar bor. Kimdir uni olish mumkin emas, desa, boshqa birov bunda hech qanday xavf ko`rmaydi.
Xol ilmiy olamda «nevus» deb ataladi. Ba`zi nevuslar saraton kasalligini qo`zg`atishi ham haqiqat. Xuddi shunday qizil nuqtachalar ko`rinishidagi angiomalar ham mavjud. Angiomalarni maxsus lazer yordamida olib tashlash mumkin. Ular homiladorlik davrida, kontraseptiv dori vositalari qabul qilganda, jigar yoki oshqozon osti bezlari va ba`zi irsiy kasalliklar oqibatida paydo bo`lishi mumkin. Homiladorlik davrida paydo bo`lgan angiomalar olti oy mobaynida yo`qoladi.
Olib tashlash usullari
Ilgari xol qo`yish rusum bo`lgan bo`lsa, hozirgi kunda ularni olib tashlash odat tusiga kirib bormoqda. Tibbiy go`zallik markazlari ham ayollarning bu istagini amalga oshirmoqda. Hozirgi kunda shahar klinikalarida xol va hatto norlarni ham olib tashlash xizmatlari ko`rsatilayapti. O`z mijozlari salomatligiga ahamiyatli klinikalar uni olib tashlashdan avval mijozga onkologik tekshiruvlardan o`tishni tavsiya qiladi. Va mutaxassis ko`rsatmalariga asoslanib, mijoz salomatligi uchun bezarar usul tanlashga harakat qiladi.
Lazer yordamida olib tashlash usuli tez va og`riqsiz. Olib tashlangan xolning izi qolmaydi va teri sog`lom to`qimalariga zarar etmaydi. Xol o`rni esa 10 kun ichida tuzaladi. Ta`qiqlangan holatlar: turli onkologik va teri kasalliklari, emizish davri, ultrabinafsha nurlarga ta`sirchanlik.
Yosh ko`rsatkichi
Xolni olib tashlash uchun yoshning farqi yo`q. Albatta, kichik yoshdagi bolalarga bunday muolajalar tavsiya qilinmaydi.
«Oldirsam, ko`payadimi?»
«Xollarni olib tashlash ularning ko`payib ketishiga olib keladi», degan fikr ham mavjud. Bu noto`g`ri. Qolaversa, xol ko`p ishqalanadigan, qo`l, kiyim yoki boshqa narsalar tegadigan joylarda bo`lsa, uni olib tashlagan ma`qulroq. Chunki bunday nevuslarga shikast etishi xavfi yuqori. Shikastlangan xol esa melanoma rivojlanishiga turtki bo`lishi mumkin. Shuningdek, unutmangki, shikast bilan birgalikda, o`zbilarmonlik bilan davolash ham xavfli.
Ehtiyot bo`ling!
Ammo hech qachon xolni o`zbilarmonlik bilan (xalqona usullar bilan) olib tashlash yaramaydi. Go`zal bo`lish istagi salomatligingizga xavf tug`dirishini istamasangiz, avval dermatoonkolog ko`rigidan o`ting. Xolni oldirmoqchi bo`lsangiz, bu ishni albatta tibbiyot maskanida mutaxassis shifokor nazoratida ostida amalga oshiring.
Tanadagi «bombacha»lar
Xolga shunday deb ham ta`rif berishadi. Bu esa bejizga emas. Terisida xoli ko`p bo`lganlar quyosh nurlarida ko`p toblanmasliklari lozim. Xolda biror o`zgarish ro`y berganini (qichishish, qizarish, qonash, qattiqlik) sezishingiz bilan mutaxassisga murojaat qiling.
Xalqda xolni bog`lab qo`yib yo`qotish yoki turli surtmalar yordamida kuydirish yo`li mavjud. Lekin bunday usul salomatlik uchun xavfliligini unutmang!
Xoldagi tuklarni olsa bo`ladimi?
Xoldagi tuklarni yulib olish emas, kesish lozim. Bunday tuklar yaxshilik alomati. Chunki tukli xollarda melanoma rivojlanishi kam uchraydi.
Xolni taqdir belgisi deyishadi. Asosiysi, tanangizning qaerida bo`lsa ham unchalik katta bo`lmasa, rangi o`zgarmasa va bezovta qilmasa, unga tegmagan ma`qul.
Maqola «Medas» klinikasi direktori, plastik xirurg Hamidulla ASADOV bilan hamkorlikda tayyorlandi.
Madina tayyorladi
23.08.2021, 16:08
Qishning qirovli kunlaridan eson-omon chiqib olgan Komiljon ota kenja farzandi Murodni (ism-shariflar o`zgartirilgan) uylash maqsadida to`y tayyorgarliklarini boshlab yubordi. Uzoq izlanishlardan so`ng qiz ham topildi. Biroq unashtiruv...06.08.2021, 17:47
CCV Matbuot xizmati buyrak etishmovchiligi qanday xastalik ekani va uni bartaraf etishda mamlakatimiz tibbiyoti nimalarga qodirligi haqida Respublika shoshilinch tibbiy yordam ilmiy markazi bo`lim rahbari,...01.06.2021, 18:32
So`nggi vaqtlarda ijtimoiy tarmoqlarda xotin-qizlarning tahqirlanishi, ayovsiz kaltaklanish holatlari aks etgan xabar va voqealar haqidagi chiqishlar keskin ortib ketdi. Ammo bu kabi vaziyatlar kechagina sodir...13.05.2021, 22:34
Farg`ona viloyati Marg`ilon shahrida 32 yashar ayol uyining tomorqasida ko`knori o`simligi etishtirayotgani aniqlandi, deya xabar bermoqda IIV matbuot xizmati.Qayd etilishicha, 2021 yilning 5 may kuni...