Aliqulov Zoir Xalilovich Qarshi tumani hokimi lavozimiga tasdiqlandi.
Zoir Aliqulov 1979 yilda Qarshi shahrida tug`ilgan. Ichki ishlar akademiyasi, akademiyaning magistratura va oliy akademik kurslarini tamomlagan.
Tayinlovga qadar u Dehqonobod tumani hokimi lavozimida ishlab kelayotgan edi.
Eslatib o`tamiz, shu vaqtga qadar Qarshi tumani hokimi lavozimini Behzod Yusupov egallab kelayotgandi. Ma`lumotlarga ko`ra, u o`z istagiga ko`ra hokimlikdan ketgan.
