O`zbekiston Respublikasi Prezidenti Shavkat Mirziyoev Samarqandda o`tayotgan O`zbekiston-Fransiya biznes forumi doirasida “EDF” kompaniyasi raisi va bosh direktori Lyuk Remon bilan uchrashuv o`tkazdi.
«EDF» dunyodagi atom elektr stansiyalarini boshqarish bo`yicha eng yirik kompaniya bo`lib, aktivlari qiymati 427 milliard dollarni tashkil etadi. Elektr energiyasini ishlab chiqarish, uzatish va tarqatish bilan shug`ullanadi.
Suhbatda Prezidentimiz kompaniyaning Sirdaryo va Surxondaryodagi bug`-gaz elektr stansiyalarini qurishda ishtirok etayotganini qo`llab-quvvatladi, loyihalarni amalga oshirishni jadallashtirish muhimligini ta`kidladi.
