Yaponiyadagi ketma-ket zilzila qurbonlari soni 202 kishiga etdi, deb xabar bermoqda NHK telekanali Ishikava prefekturasi ma`muriyatiga tayanib.
Halok bo`lganlarning aksariyati Suzu shahrida bo`lgan – 91 kishi. Vajima shahrida 81 kishi, Anamizu qishlog`ida 20 kishi halok bo`ldi. Prefekturada jami 565 nafar qurbon bor. 102 kishi bedarak yo`qolganlar ro`yxatida.
Zilzilalardan jabr ko`rgan hududlarning 28 mingga yaqin aholisi evakuasiya punktlarida, deya xabar bermoqda Kyodo Ishikava ma`muriyatiga tayanib. Vayron bo`lgan yo`llar va kuchli qor tufayli kamida 3,3 ming kishi izolyasiya qilingan.
Umuman olganda, prefekturadagi zilzilalarda kamida 1425 ta uy vayron bo`lgan. Birgina Vajima shahrida umumiy maydoni taxminan 48 ming kvadrat metr bo`lgan 200 ga yaqin bino vayron bo`lgan. Yaponiya hukumati zilzila qurbonlarini qo`llab-quvvatlash uchun 4,74 milliard en (33 million dollar) ajratdi.
1 yanvar kuni Yaponiyaning shimoli-g`arbiy qismida bir qator zilzilalar sodir bo`ldi. Zilzila episentri Ishikava prefekturasidagi Noto yarim orolida joylashgan. Silkinishlar seriyasining eng kuchlisi 7,6 ballni tashkil etdi.
