AQSh Falastinning BMTga to`liq a`zo bo`lishi haqidagi rezolyusiyani blokladi

Qo`shma Shtatlar Falastinni BMTga to`laqonli a`zo sifatida qabul qilish rezolyusiyasini blokladi. Davlatlar tashkilot Xavfsizlik kengashi yig`ilishida veto huquqidan foydalandi. Bu haqda “TASS” xabar berdi.

Hujjatni Xavfsizlik kengashining 12 a`zosi qo`llab-quvvatlagan, Shveysariya va Buyuk Britaniya betaraf qolgan. Bunga faqat AQSh qarshi chiqdi.

Rezolyusiya loyihasi qabul qilinishi uchun uni Xavfsizlik Kengashining kamida to`qqiz a`zosi qo`llab-quvvatlashi va uning doimiy a`zolari — Xitoy, Fransiya, Rossiya, Buyuk Britaniya va AQShning hech biri veto huquqidan foydalanmasligi kerak.

Eslatib o`tamiz, 4 aprel kuni Malta Falastinning mamlakatning BMTga a`zo bo`lish haqidagi arizasini ko`rib chiqishni qaytadan boshlash haqidagi iltimosini qondirgan edi. Falastin ayni damda BMTda doimiy kuzatuvchi maqomiga ega.

Vashingtonning fikricha, Falastinning BMTga to`liq asosda kirishi faqat Falastin-Isroil mojarosi hal etilgandan keyingina mumkin.

“Qo`shma Shtatlar ikki davlat bo`lish qarorini qat`iy qo`llab-quvvatlashda davom etmoqda. Bu ovoz berish Falastin davlatchiligiga qarshilikni aks ettirmaydi, balki bu tomonlar o`rtasidagi to`g`ridan-to`g`ri muzokaralar natijasi bo`lishini tan olishdir”, – dedi AQShning BMTdagi elchisi Robert Vud.

Falastin ma`muriyati AQShni rezolyusiyaga veto qo`ygani uchun qoraladi va buni Yaqin Sharqni “jar yoqasiga” olib borayotgan adolatsiz va asossiz qaror deb atadi.

Falastinning BMTdagi elchisi Riyod Mansur ovoz berishdan keyin “Ushbu rezolyusiya qabul qilinmagani bizning irodamizni sindirib, qarorimizni o`zgartirmaydi”, — dedi. “Biz harakatlarimizni to`xtatmaymiz. Falastin davlati muqarrardir. Bu haqiqat”, — deya qo`shimcha qildi u.

Falastin 2012 yildan beri BMTda doimiy kuzatuvchi maqomiga ega. Bu unga tashkilotning barcha yig`ilishlarida qatnashish imkonini beradi, lekin uning BMT asosiy organlarida ovoz berish huquqi yo`q.