1

Erdo`g`an Iroq bilan munosabatlarda burilish nuqtasi borligini ma`lum qildi

Dunyo 22.04.2024, 20:57
Teglar: Turkiya, ​Eron, Iroq
Erdo`g`an Iroq bilan munosabatlarda burilish nuqtasi borligini ma`lum qildi

Turkiya prezidenti Rajab Toyyib Erdo`g`anning Iroqqa tashrifi va uning doirasida imzolangan kelishuvlar Turkiya-Iroq munosabatlarida yangi burilish nuqtasi bo`lishiga ishonch bildirdi. Bu haqda davlat rahbari Iroq bosh vaziri Muhammad Shia as-Sudaniy bilan qo`shma matbuot anjumanida ma`lum qildi.

Prezident Erdog`an va Iroq Bosh vaziri ishtirokida Iroq, Turkiya, Qatar va BAA o`rtasida «Taraqqiyot yo`li» loyihasini amalga oshirishdagi hamkorlikka oid to`rt tomonlama anglashuv memorandumi imzolandi.

"Al Arabiya" nashriga ko`ra, Erdo`g`an Iroq hukumatidan kurd jangarilariga qarshi kurashda yordam kutmoqda. Terrorchi tashkilot deb tan olingan “Kurdiston ishchilar partiyasi” (KIP) yillar davomida Turkiya armiyasiga qarshi harakatlarini Iroq hududidan olib boradi.

O`tgan oy Iroq hukumati KIP faoliyatini man qilgani Anqaraning diplomatik yutug`i sifatida ko`rilmoqda. Iroq qattiq qurg`oqchilikka yuz tutayotgan bir paytda Turkiyadan Iroq tomon oqayotgan daryolarga to`g`onlaridan ko`proq suv chiqarishni so`ramoqda. Erdo`g`an Bag`dod iltimosini ko`rib chiqishga so`z bergan. Bu degani Anqara buning evaziga Iroqdan yana nimadir so`rashi mumkin.

Tahlilchilar Erdo`g`anning Iroqqa tashrifi o`zgarishlarga olib kelishini va shu bilan birga, Eron bilan tarixiy raqobatni yanada kuchaytirishi mumkinligini aytmoqda.

 

Sharhlar

Samarqandlik firibgar Istanbulda ushlandi

08.05.2024, 12:20

1979 yilda Samarqand viloyatida tug`ilgan  Raximov Ozod Sadulloevich Istanbul shahrining Fatix tumanida qo`lga olindi. U  u firibgarlik va odam savdosi bilan shug`ullanganlikda ayblanmoqda.Bu haqida Bosh...
Turkiya Isroil bilan barcha savdo aloqalarini uzdi

03.05.2024, 14:22

Turkiya Isroil bilan savdo aloqalarini to`xtatdi. Bu haqda Bloomberg agentligi ikki turk rasmiysiga asoslanib xabar bermoqda.Ularga ko`ra, 2 maydan boshlab Anqara yahudiy davlatiga barcha eksport va...
Endi Turkiyani suv bosmoqda (video)

01.05.2024, 16:06

Mamlakat poytaxtida yoqqan kuchli yomg`ir sabab Anqara ko`chalarini suv bosdi. Bu haqda TRT haber ma`lum qildi.Buning oqibatida shahar transport tizimi va aeroport ishida uzilishlar kuzatilgan.“Yo`llar...
Rossiya Eronga 24ta qiruvchi samolyot bermoqchi

21.04.2024, 17:45

Kelgusi haftada Rossiya Eronga 24 ta Su-35 qiruvchi samolyotini topshiradi. Bu haqda “The Wall Street Journal” nashri ma`lum qilgandi. Eronning bir qator OAVlarining xabar berishicha, Rossiya...
Ob-havo: Toshkent
Valyuta kursi
1