Ma’lumki, kecha Parij-2024 Olimpiadasida O‘zbekiston ilk oltin medalni qo‘lga kiritdi. Diyora Keldiyorova Olimpiadada shohsupaga ko‘tariladigan ilk ayol o‘zbek dzyudochisiga aylandi. Final baxsida u Tokio Olimpiadasida -48 kg vazn toifasida oltin medalni qo‘lga kiritgan Kosovo vakili Distria Krasnichini yengdi. Chempionni Saida Mirziyoyeva tabrikladi.
"Bugun o‘zbekistonliklar va shaxsan mening qalbim cheksiz quvonchga to‘ldi.
Dzyudochi Diyora Keldiyorova — O‘zbekiston tarixida yozgi Olimpiya o‘yinlarida oltin medal olgan ilk ayol sportchi! Shuningdek, u Olimpiadada dzyudo bo‘yicha ilk oltin medalni olgan sportchimiz sifatida ham tarixga kirdi.
Diyoraning yorqin g‘alabasi bu – faqatgina “oltin medal” emas, balki sport to‘garaklarida tinimsiz shug‘ullanib, ulkan zafarlar haqida orzu qilayotgan ko‘plab qizlar uchun motivatsiya hamdir! Diyora, butun O‘zbekiston Siz bilan faxrlanadi!" - deya yozib qoldirdi Mirziyoyeva.
