Viloyat hokimligi matbuot xizmati xabariga ko‘ra, Andijondagi "Bobur" shoh ko‘chasida joylashgan chorrahada ko‘prik qurilmoqda.
Ta’kidlanishicha, shoh va shoir Bobur xotirasiga atab, barpo etilgan maydon esa yangi qurilayotgan ko‘prik yaqinida joylashgan. Shu sabab loyiha qurilishi yakunlangach, maydonning bir qismi ko‘prik ostida qoladi.
Mazkur masala yuzasidan ilmiy kengash vakillari, Boburshunoslar hamda Andijon oqsoqollari boshchiligida o‘tkazilgan muhokama xulosasiga ko‘ra, Bobur haykali uning o‘zi tug‘ilib o‘sgan "Eski shahar" hududidagi "Registon" maydoniga ko‘chiriladi.
Hozirda bu rejani amalga oshirish uchun katta tayyorgarliklar ko‘rilmoqda.
